मनातलं काहीतरी

🎭🎭🎭🎭🎭🎭🎭🎭🎭🎭🎭🎭

🌸🌸🌸🌸🌸🌸🌸🌸🌸🌸🌸🌸 

 कुणाला कुणाची ओढ असते.                     

 कुणाला कुणाची जोड असते.

कुणाला कुणाशी होड असते.

.... सगळेच सारखे नाही आहे.

कुणी कुणी जगतोय आशेवर.

कुणी कुणी मरतोय आशेवर.

कुणी कुणी आशा सोडतंय-धरतंय.

....... कुणाकडे तर आशाही नाही आहे.

कुणाला वाटते चांगले आहो आपण.

कुणाला वाटतं वाईट आहो आपण.

कुणाला तर काहीच वाटत नाही.

....... असेही म्हणणे खोटे आहे.

कुणी तर लिहितो आवड म्हणून.

कुणी लिहितो सवड म्हणून.

कुणाला तर लिहिणे भाग आहे.

कुणाला नं लिहिणे भाग आहे.

.......किती हा वेगळेपणा आहे.

हे असे तारतम्य मी

कधी कधी जोडत बसते.

कधी लिहिते दोन ओळी

तर कधी कधी त्याच खोडत बसते

..... हसते -फसते -दिसते काय ते.

आयुष्यावीन माझे तर अस्तित्व ही नसते.

-रेखा उत्तमराव राऊत

(विदर्भ एक्सप्रेस )

rekharaut025@gmail. com

🌸🌸🌸🌸🌸🌸🌸🌸🌸🌸🌸

🎭🎭🎭🎭🎭🎭🎭🎭🎭🎭🎭