____________________________________
~*आमच्याकडे असा वसंत येतो.*~
टोपली टोपली मोगऱ्याची फुले बनून येतो...||
रंग होळीचे खेळणारी मुले बनून येतो...||
गुलाबी गुलाबी कण्हेराचा बहर बनून येतो...||
मार्च येडिंग मधले सुस्त शहर बनून येतो...||
पळसाची गर्द केशरी केशरी डहाळी बनून येतो...||
ऐन परीक्षा केंद्रावर भरारी पथकाच्या धाळी बनून येतो...||
अन दिसाच्या लायनीने गोसायाची द्वारी
द्वारी स्वारी बनून येतो...||
हरभरा गव्हाची ओंबी ओंबी अन कटानी
ज्वारी बनून येतो...||
तहानलेल्या पांथस्थाला पाणपोई बनून येतो...||
पाण्याची वणवण वणवण डोई बनून येतो...||
भरीतभर नववधूच्या लग्नाची धांदल बनून येतो...||
सोन्या चांदीच्या महागाईची झलझल बनून येतो...||
घरात कापूस नसताना कपाशीचा वाढलेला भाव बनून येतो...||
गुलाब मोगरा जास्वंद जाई जुई चाफा अन कण्हेरराव बनून येतो...||
... आमच्याकडे असा वसंत येतो.
-विदर्भ एक्सप्रेस
समाजमनाची सफर
(रे. ऊ. राऊत )
___________________________@rekh📝
No comments:
Post a Comment